Органы местного самоуправления муниципального образования Тоджинский кожуун Республики Тыва Версия сайта для слабовидящих
 Органы местного самоуправления муниципального образования Тоджинский кожуун Республики Тыва

Новость

Өртемчейим Аржаан суу
от 05 августа 2020 года
Өртемчейим Аржаан суу
фото новости

Өртемчейим Аржаан суу

✍🏻Аржаан деп сөс “ыдык” азы “эм суг” дээн уткалыг. Тыва кижи аржаанга чүгле кадыкшылын быжыктырар эвес, а сагыш-сеткилин арыглаар. Тыва өг-бүле чыл санында аржааннаар.

Аржаан быжа бээрге, аъттанып-тонанып алгаш, чоруптарлар. Чер четпес кижи болза аржаанны чаладып алыр.
Аржаанга хамаарыштыр тыва кижи кезээде “аржаан чалап алыр”, “аржаанны четтирер”, “аржаанны чалаптар” дээр.

Аржаан девискээринге сагыыр хоругларның чамдыызы бо:
– аржаанның шуут чанынга доктаап, өг, майгын, чадыр тикпес;
– аржаан девискээринге үнүш чулбас;
– аржаан чанын бокталдырбас;
– аржаан бажынче кылаштавас;
– аржаанга хеп чугбас;
– аржаан чанынга улуг шимээн, чогуш-кырыш үндүрбес.

Аржааннап келген кижи агын-көгүн баглап, аъжы-чеминиң дээжизин аржаан ээзинге сөңнээр:
Өршээ, хайыракан!
Өзүм болган, баарым болган
Өртемчейим Аржаан суу!
Адап-сурап чедип келдим,
Човулаңым чодуп көр,
Аарышкым арыдып көр,
Өршээ, өршээ, хайыракан!

Аржаандан чоруп тура, ооң девискээрин аштап-арыглаар, оңгарланы берген черлерни дескилээр.
Ээзинге четтиргенин илередир, байырлажыр:
Човулаңым чоттуң,
Аарыымны арыттың.
Аъжым-чемим дээжизин
Авыралдап делгедим.
Байырлыг, менди-чаагай,
Ачылыг аржааным!


Сайт todzhinsky.ru является официальным сайтом Органов местного самоуправления муниципального образования Тоджинский кожуун Республики Тыва. Электронная почта info@todzhinsky.ru является официальной электронной почтой Органов местного самоуправления муниципального образования Тоджинский кожуун Республики Тыва
Все материалы сайта доступны по Лицензии.
Информация о сайте todzhinsky.ru.
Ограничение по возрасту: 18+.  |  Сегодня: 25 октября 2020 года, воскресенье.
Сайт является Российским программным продуктом и размещён на сервере под юрисдикцией Российской Федерации
Сайт разработан в ООО КопыленКомпани и размещён в ООО Дом для сайта.
  
Уважаемый Посетитель! Вы просматриваете версию сайта для слабовидящих в следующем варианте:
Цветовая схема: КОРИЧНЕВЫМИ БУКВАМИ ПО БЕЖЕВОМУ ФОНУ:
цвет фона - БЕЖЕВЫЙ, цвет текста - КОРИЧНЕВЫЙ, размер шрифта - БОЛЬШОЙ, расстояние между буквами - СРЕДНЕЕ
Выбрать другой вариант просмотра сайта →
Яндекс.Метрика © 2013 - 2020 Органы местного самоуправления муниципального образования Тоджинский кожуун Республики Тыва